कोभिड अस्थायी अस्पतालमा १० शैयाको आईसीयू थपिदै

स्वास्थ्य

Home
स्वास्थ्य
कोभिड अस्थायी अस्पतालमा १० शैयाको आईसीयू थपिदै

कोभिड अस्थायी अस्पतालमा १० शैयाको आईसीयू थपिदै

बिहिवार, पुष १६, २०७७ जागरण समाचार

धनगढी।
धनगढीको कोभिड अस्थायी अस्पतालमा १० शैयाको आईसीयू सेवा थपिने भएको छ। सेती प्रादेशिक अस्पताल मातहत रहेको कोभिड अस्थायी अस्पतालले गम्भीर प्रकृतिका संक्रमितको उपचारका लागि आईसीयूका शैया थप्न लागेको जनाएको छ।

सेती प्रादेशिक अस्पतालका प्रमुख मेडिकल सुपरीटेन्डेन्ट डाक्टर हेमराज पाण्डेले १० शैयाको आईसीयू सेवा विस्तार गरिने जानकारी दिए। आईसीयूका शैया विस्तार भए पछि कोरोनाका गम्भीर संक्रमितको उपचारमा सहजता हुने विश्वास व्यक्त गरिएको छ।

अहिले कोभिड अस्थायी अस्पतालमा ५ वटा भेन्टिलेटर सहित १० शैयाको आईसीयू सेवा सञ्चालमा रहेको छ। गम्भीर संक्रमितको संख्या धेरै हुँदा अन्यत्र रेफर गर्नुपर्ने बाध्यता रहेको अस्पतालले जनाएको छ। तर सेवा विस्तार भए पछि केही हदसम्म त्यो बाध्यता कम हुनेछ।

सेती प्रादेशिक अस्पतालको कोभिड अस्थायी अस्पतालमा हाल १७ जना संक्रमित उपचाररत छन्। उनीहरु मध्ये ३ जना आईसीयू र १ जनाको भेन्टिलेटरमा उपचार भई रहेको सूचना अधिकारी दिलिप कुमार श्रेष्ठले बताए। उनका अनुसार अहिले धनगढी उपमहानगरपालिकाका मात्र ७ संक्रमित भर्ना भएका छन्। दिनेश खबरबाट साभार

प्रकाशित मिति: बिहिवार, पुष १६, २०७७, ११:५७:००

प्रतिक्रिया दिनुहोस्